Вчера, 1.200 првачиња од различни населени места низ Македонија добија подароци со училиштен прибор во рамки на кампањата „Секогаш биди број 1“.
Оваа кампања, ја спроведуваме петта година по ред. Станува збор за активност чија основна цел е да им се посака добредојде на првачињата во училишните клупи и да добијат материјали и прибор кои ќе им користат во образовниот процес. Оваа година, кампањата опфати најголем број градови: Делчево, Радовиш, Гевгелија, Неготино, Кавадарци, Кичево, Гостивар, Македонски Брод, Ресен, Крива Паланка, Свети Николе, Виница, Кратово, Пехчево, Пробиштип, Македонска Каменица, Дебар, Крушево и Демир Хисар.
Она што започна како една мала, но искрена иницијатива, прерасна во традиционална кампања на државно ниво, преку која петта година по ред израдувавме голем број првачиња. Како компанија, продолжуваме несебично да вложуваме во образовниот процес на учениците.
За пет години опфативме 72 училишта во 89 населени места во државата, во кои подароци со училиштен прибор добија повеќе од 3.200 првачиња. На почетокот на учебната година, кога родителите се оптоварени со голем број трошоци за своите деца, оваа поддршка е добредојдена и корисна за сите што дава додадена вредност на кампањата.
„Драго нѝ е што оваа година и нашето училиште е дел од кампањата „Секогаш биди број 1“ на Credissimo. Особено е важно тоа што се опфатени голем број помали градови од државата, сметам дека тоа е еден добар пример за тоа дека сите заедно треба да работиме за да создадеме подобри услови за образованието“ - изјави Љубица Толовска, директор на ОУ „Страшо Пинџур“ во Неготино.
Освен „Секогаш биди број 1“, имаме и други општествено одговорни проекти во повеќе области како грижа и подигање на свеста за машкото и женското здравје, екоакции, реновирање библиотеки и донации во Зоолошката градина во Скопје.
